Åarjelsaemien
Staaten maritijme jïh foeresjimmiehistovrijen museumh (SMTM) lea staaten åejvieladtje mij barka dan maritijme jïh foeresjimmiehistovrijen kultuvreaerpien maahtoem gorredidh, evtiedidh jïh tseegkedh.
Mijjen darjome edtja almetji vearteneguvviem vijriedidh maahtoen tjïrrh mah jorkesieh, mojhtesh mejtie ij åajaldehtieh jïh skreejreminie. Darjome edtja aaj vihkeles årrodh gaajhkide almetjidie siebriedahkesne.
Mijjieh Marinmuseumh ientebe jïh evtiedibie Karlskronesne, Vasamuseumem jïh Sjöhistoriska museumem Stuehkesne jïh aaj Järnvägsmuseumem Gävlesne.
Ektesne fïerhten jaepien lïhkebe göökte millijovnh almetjh båetieh Sveerjeste jïh veartanistie guessine mijjen museumi luvnie.
Marinmuseume
Marinmuseume soptseste sveerjen marijnen histovrijen bïjre – stoerrefaamoeaejkien mearoegæmpoej bïjre sigli nuelesne, galme dåaroen boelhken bïjre jïh daaletjen bïjre. Jaepien 2014 raejeste uvïnhtse Neptun aaj meatan museeumisnie.
Sjöhistoriska museume
Mearoehistovrijen museume soptseste almetjen gellietåvsene jaepiej guhkies histovrijem mearosne, sjïere tjöönghkemi tjïrrh. Daesnie dovletje jïh daaletje gaavnedieh vuesiehtimmine mah vuesiehtieh åesiestimmiemearoefoeresjimmie, eejehtimmievïnhtsekultuvre jïh skïhpehistovrije.
Vasamuseeumisnie
Vasamuseeumisnie mijjen guessieh gaavnedieh dam sjïere gorredamme örlogskïhpem Vasa jaepeste 1628. Daesnie maehtieh goerehtidh histovrijidie almetji bïjre skïhpesne, Vasan aejkien bïjre, guktie skïhpem viht gaavnin jïh gorredin 333 jaepiej minngesne Stuehkien straejmien betnesne jïh daaletjen dotkemem guktie Vasam gorredidh.
Ruevtieraajroemuseume
Ruevtieraajroemuseume sjïere våarhkosne jeenjebe 300 foeresjimmieh gaskoeh 1800-låhkoen raejeste daan beajjan. Våarhkosne aaj ruevtieraajroehistovrijen tjåenieh jïh stoerre guvvievåarhkoe 500 000 guvviejgujmie.
Ruevtieraajroemuseume lea daelie gaptjeme juktie dam bueriedidh. Daennie mieresne vuelkemh öörnieh histovrijen tåågine abpe laantesne jïh Tåghallen sisnie bööremes våarhkoste vuesiehtieh gellie aejkien.
Orre museume: Vrak – Museum of Wrecks
Luvliemearoen sjïere, men ovnohkens kultuvreaerpie vååjnesasse orre museumeareenese maam soejkesjibie jaepien 2020 rïhpestidh. Daaletjen teknihkine jïh laavenjostosne mubpine laantine Luvliemearoen bïjre sïjhtebe vuesiehtidh jïh perspektijvem vadta maritijme histovrijasse jïh almetjen relasjovnem sov byjresasse tovsenejaepiej mietie.
Foeresjimmiehistovrijen våarhkoeh
Jaepien 2018 raejeste mijjen darjoemisnie aaj foeresjimmiehistovrijen kultuvreaerpie. Mijjen geajnoehistovrijen våarhkoeh leah Kjula:sen jïh desnie tjuetieluhkien masjijnh jïh foeresjimmieh 1900-låhkoste, aaj tåvsenelåhkoej aath ovmessie stoeredahkine jïh hammoedimmine. Mijjen våarhkoe sivijlen elmiefoeresjimmie lea hangarisnie Arlanda girtiesjaljesne jïh desnie bielie girtijste jïh girtieh, båarasommes aareh 1900-låhkoen raejeste.
Dotkeme
Maahtoe maritijmen jïh foeresjimmiehistovrijen kultuvreaerpien bïjre lea våarome mijjen darjoemasse. Dotkeme lea dan gaavhtan iemie jïh integreradamme bielie mijjen darjoemisnie. Dotkeme lea gaskem jeatjah Vasan bïjre jïh dan tïjje, marijnearkelogije jïh ruevtieraajroen histovrije.
Stockholms universitet / Stuehkien universiteeten ektesne lea SMTM skaepiedamme Centrum för maritima studier (CEMAS) / Jarnge maritijme lohkemh, dotkemejarnge gusnie maritijme histovrije, etnologije jïh arkeologije vihkeles.
Ektiebarkoe
SMTM regijovnaale jïh voenges museumh, ideellen siebriedahkh, organisasjovnh jïh aktegs almetjh ektesne barka.
Ektiebarkosne mijjen vïenesiebriedahkine jïh mubpieh bielieh sivïjlesiebriedahkesne mijjieh ideellen museumebarkoem dåarjobe jïh meatan årrobe ovmessie foruminie gaskem jeatjah marijnen kultuvreaerpien, veteraanevïnhtsi jïh noerhtelaanten ruevtieraajroehistovrijen bïjre.
SMTM aaj dorje kultuvrehistovrijen vuarjasjimmieh jïh dåarjoeh juaka vïnhtside jïh eejehtimmievïnhtside.