Akarimasa arakas tut po Statens maritima museer
E Phuvjakere barepanjeskere hem transporti istorikane muzeija
E huvjakere barepanjeskere hem transportistorikane muzeija (Statens maritima och transporthistoriska museer (SMTM)) i jek Phuvjakoro vlasti so kerela buti te arakhel, te razvinel hem te barakerel o džaniba bašo barepanjeskere hem transporti istorikane kulturakoro nasledstvo.
Amaro butikeribe ka kerel te buvljol e manušengoro dikhibe upro sveto, o bibistrikane doživljaja hem angažmani. O butikeribe ka ovel ko interesi hem sa e manušenge ko društvo.
Amen keraja buti hem razvinkeraja o Marinmuseum ki Karlskrona, Vasamuseet hem Sjöhistoriska museet ko Stockholm a isto adžahar o Järnvägsmuseet ko Gävle.
Ko amare muzeija avena sakova berš paše duj miliojna manuša kotar i Švedija hem kotar javera phuvja.
Barepanjeskoro muzei
O Barepanjeskoro muzie vakerela bašo švedikane barepanjeskeiri istorija –bašo vreme sar phuv bare zoraja ko maribe brodencar, bašo e šudre maribaskiri epoha hem bašo avdive. Kotar o 2014 berš o telopanidžali (podmornica) Neptun i jek kotor taro muzei.
Sjöhistoriska museet
O Sjöhistoriska museet vakerela bašo manušengiri buteberšengiri istorija ko baropani, kori so isi bare unikatno khedina. Akate ko izložbe arakhena jek javere o nakhlo vreme hem o akanutno vreme kori so fokusirinela pe o kinbikiniba ko baro pani, brodengiri (panidžalengiri) kultura ko slobodno vreme hem e brodengiri istorija.
Vasamuseet
Ko Vasamuseet dikhena amare gostija o unikano šukar arakhlo maribaskoro brodi Vasa kotar 1628 berš. Akate manuš šaj te lel jek kotor tari manušengiri istorija ko brodi Vasa, sar arakhlilo pale o brodi palo 333 berša tele telo ko Stockholmeskere panja hem bašo o istraživibe (rodkeribe) so kerela pe kaj te šaj te arakhel pe o Vasa ponodori.
Järnvägsmuseet
Ko Järnvägsmuseeteskere unikatna svetsko khedina isi buteder taro 300 vozija kotar o maškar taro 1800- beršipa pa sa dži avdive. Ko khedina isi hem šinengere istorikane buča hem jek bari slikengiri arhiva kori so isi 500 000 slike.
O Järnvägsmuseet ko akava momenti i phanlo bašo renoviribe. Ama odole vremeske aranžirinena pe drumija e istorikane vozencar (sastrindžalencar) so džana ki sa i phuv a ko Tåghallen sikavena pe disavo var o najšukar khedina.
Nevo muzei: Vrak – Museum of Wrecks
E Baltikane barepanjeskoro unikatno ama bipendžardo kulturikano nasledstvo terdžola ko fokus bašo jek nevi muzejeskiri arena so planirinaja te phravel pe ko 2020 berš. Othe ka ovel moderno tehnika hem ka kerel pe barabar e javere phuvjencar trujal o Baltikano baropani, i ambicija i te sikavel pe hem te del pe perspektiva bašo barepanjeskiri istorija hem e manušengiri relacija premal i natura ko akala hiljada berša.
Transporti istorikane khedina
Kotar o 2018 berš ki amari buti khuvela o hem o transporti istorikano kulturikano nasledstvo. Amare drumongiri istorikane khedina i ko Kjula hem ote isi buteder šela mašine hem vrdija kotar 0 1900 -beršipa, othe isi hem buteder hiljade buča razna baripencar hem funkciencar. Amare khedina kotar o civilno ujribe i ko jek hangari ko aerodromi Arlanda hem othe isi celo avioni hem kotora, o najpurane i kotar 1900- beršipa.
Istraživibe (Rodkeribe)
O fundamenti bašo amaro butikeribe i o džaniba bašo barepanjengoro hem transporti historikano kulturikano nasledstvo.Odoleske o istraživibe i jek prirodno hem integririmo kotor amare butikeribastar. Keda vakerela pe bašo istraživibe odova i ko primer o Vasa hem oleskoro vreme, barepanjeskiri arheologija hem e šinengiri istorija.
Barabar keribe buti e Stockholmeskere universiteteja, o SMTM kerdža jek Centrum för maritima studier (CEMAS), jek istraživibaskoro centar kori so o fokus i barepanjengiri istorija, etnologija hem arheologija.
Barabar butikeribe
O SMTM barabar butikerela hem dela godi hem dumo e regionalno hem lokalno muzejenge, idealno klubenge, organizacienge hem sakone manušeske.
Ki barabar butikeribe amare amalikane klubencar hem javerencar kotar o civilno društvo amen daja dumo bašo idealno muzeikano butikeribe hem dikhaja te ova ko razna forumija maškar o javer keda i ko pučiba o barepanjeskoro kulturikano nasledstvo, purane brodija hem o nordikane šinengiri istorija..
O SMTM kerela hem jek klturikano istorikano procenibe hem ulavela love bašo brodija hem bašo slobodno vremeskere brodija.